نلاحظ في اماكن الملابس الماركات العالمية والمحلات الشهيرة والمراكز التجارية الكبيرة
يشتغلون فيها شباب من الجنسية اللبنانية والسورية والمصرية طبعا عارفين ليش؟؟


السؤال/ ليش يوم تشتري البنت من هناك او تطلب شي او غرض اول رد بيكون لها

كرمال عيونك

من عيوني

على راسي من فوق

ولا تحملى هم ياقمر

والبنت ممكن تبتسملة وممكن تسكت وتاخذ مقلب في نفسها وتصدق

بس السؤال المهم والمهم جدا جدا جدا
تخيلوا مثلا مثلا مثلا يعني ان الي واقف امامها مواطن بدل الاخ الي يبيع وجات بنت وطلبت شي وقال لها

هلا والله نورتي المحل

من عيوني يالغالية

انتي تامرين يالشيخة

وش بتكون ردت فعلها؟؟؟؟؟؟؟

1- كف محترم

2- تسبه وتشتمه وتمسح بكرامته الارض

3- نظرة استحقار قوية

4- جميع ما سبق ..

لاتحرمونا من مشاركاتكم وارائكم

الـسلام علـيكم ورحمه الله وبركـاته

اخي / الحـل الصعـب


لااحـب ان اطـيل في هـذه المـواضيع خـاصة مايتعـلق بخصـوصيـات النـاس

فالصـلاح والهـدايه من الله سبحـانه ولو شـاء ربـك ان لايهـدي فـتاة والله ثم والله لن يهـديها احـد ولو شـاء ربـك ان لايهـدي شـاب والله ثم والله لن يهـديه احـد

اما بخـصوص رده فعـلها :

( فالمـرء من الاسـاس لماذا يضـع نفـسه في امـور هو في غنـى عنـها )

واخـيرا :

من راقـب النـاس مـات همـا


ســالم لاتصــالح

... صدق موضووع للنقاش مهم ...:)

حبيت اقول اني انا اول الموافقين على العماله السعودييييه بدل الاجاااانب ..!!
فالموااطن أولى بأن يشتغل في بلده...

اما بالنسبه على الكلاام ..ولا تحملى هم ياقمر

فهذا ما اعتقد انه اسلووب !! معليش يععني اعتقد لكل شي حدوود .. فسواءا اجنبي او سعودي يجييه حقه !!

والله ان السعوديين احسن من الاجااانب ... لامن اسلووب ولا من خدمه .. على الاقل ما يتمادى زي اللبنانيين بالذات !!.. وفيه محلات يبيعون فيها سعوديين والله ما قد شفت احد قال ادبه منهم .. فمثل ما حنا ما نتقبلها من السعودي اكيد ما نقبلها من الاجنبي ..


تسلم اخوي موضووعك راائع :)

اخي العزيز سالم لاتصلح
اشكرك على مرورك وكلامك على العين والراس
ربما انك فهمت الموضوع بالخطا , هو موضوع للنقاش واستطلاع للراي العام وليس مراقبة الناس
او التدخل في خصوصياتم .

هذا التعامل يحصل في المحلات وخصوصا النسائية منها وعلناً امام الناس
ومع من ,, مع بنات بلدنا ....

فقط اردت ان اعرف مدى تقبل الناس وردة فعلهم تجاه الشاب السعودي وهو يعمل في مثل هذه المحلات

اختي تراي فيذا اشكرك على مرور
وانا اشوف ان الشاب السعودي في التعامل افضل من الاجنبي ,,,,
تسلمين ...

الـسلام علـيكم ورحمه الله وبركـاته

الاخ / الحـل الصعـب

أسـف لانـي لم افهمـك

ونلتقـي في مـواضيع جـديدة




سـالم لاتصـالح

مع احترامي وتقديري لرجال بلدنا ...وهم على الراس والعين ..

لكن في فرق كبييير بين الاجنبي والسعودي .في حكاية بيع المستلزمات النسائيه ..

الأجنبي لو قال كرمال عيونك ... ولاتحملي هم ياقمر ... بتكون كلمات عاديه ولاتحس بها ولاتهز شعورك .. لأنها طالعه منه عفويه ... ودايم على لسانه هالكلمات ... يعني طبيعتهم كذا ... وبعد هدفه واااضح بس يبي يمشي بضاعته ...ولاسألته عن اي غرض نسائي يعرفه وفاهم فيه ..

لكن الله لايوريك لو السعودي قال ابشري او حتى آمري ... قسمن بالله يقولها وهو ذايب .... وزين لو ماهو ماسك ورقه كاتب فيها رقمه ....وبعد واضح إنه ماهو متعود على هالكلام الحلو ... حافظ له جملتين عشان يصيد ... وإن ماحصل رد من الصيده ... تنرفز وعصب عليها ... هذا إذا ماقال لها انقلعي ماابيك تشترين من عندي...

بالعربي الفصيح ..

ماينفع السعودي بائع لمحلات تخص أغراض نسائيه ...

معليش بعد أذن الحل الصعب
ممكن ارد على موضوع الاخت أم ستين شغله

انتن اللى عطيتو الاجانب وجهة يعني كلامه العسل يرضيكم
وخليتو الاجانب على كيفهم

سوىٌ الاجنبي أو السعودي كليهما رجل وله غريزه
والكل له عقل مدبر والله يعلم مافي نواياهم
مجرد مقارنة بينهم
بالاصح لاتثقي بالعمالة ولاتسمحي لهم بمبادرتك بالاسلوب العذب
زي ماقلت لك الله أعلم مافي النوايا

وتقبلو مروري

السلام عليكم ورحمة الله وبركاته


يعطيك العافية على طرح الموضوع

الحل الصعب

&&&&&&&&&&&&&

اتفق مع ام ستين شغلة من جهة العامل الاجنبي ان هاذي طبيعتهم وكلام دارج في كلامهم

حتى ومنهم معصبين يقولون ياعيوني ويا بعدي هذا طبعهم اصلاً

لكن سعودي غير وبعدين اصابع اليد ماهي واحدة

في ناااااااااااس حق الترقيم اصلاً يبين عليه مكتوب في جبينه احتراف ترقيم

أما الانسان الذوق يكون واضح في تصرفه وتعامله ماهو حق ترقيم

وحتى الاجاااااانب مو كلهم ابرياء فيهم مرقمين

المسالة في نظري مو اجنبي وسعودي

في نااس ذوق وتحترم اللي يتعاملون معهم

وفي نااس الله يهديهم عندهم دكتوراة في المغازل

سواء اجانب او سعوديين


دمتم سالمين

السالم عليكم ورحمة الله وبركاته

اختي ام ستين شغلة انا اتفق معاك في ان الاجنبي متعود على الكلام الحلو في بلدة لاكن مش الكل منهم تطلع منه بعفوية البعض له نوايا اخرى ,,, يعني بالعامية ( حج وحاجة ) ,,,
وبالنسبة لمعرفته بالاشياء والاغراض , اكيد انه ما ولد على الحياة وهو عارف كل شي ,,, والاكيد انه ماعرف كل هالاشياء الا بعد عمل وممارسة ومعرفة كل صغيرة وكبيرة تخص شغلته ,,,, في المقابل لو الشاب السعودي اعطي الفرصة وعرف شغلة انا متاكد انه راح يغطي على الاجنبي ....
( وانا اقصد الشاب المتزن والعاقل والذي يمتلك فن التعامل مع الاخرين ) ....


اخوي ابو عتب خذ راحتك والموضوع ماطرح الا للجميع ..


ام ستين شغلة ,,,, ابوعتب ,,,,, رمـ السنين ـاد

لكم مني جزيل الشكر