اخاف
.................................................. .


اخاف عليج من خيال كلماتي لو تمر بيج
تأخذج لبحار بعيده توديج
واخاف عطشانه ترد بيج
وانا مو طبعي الغدر بيج

موصوفه بخيالاتي
مهموسة بحواراتي
مقروءة بكتاباتي
مرسومة بعذاباتي
كل وصف بيج

حرت وطبعي تغير ليش؟
ورسمي تبدل؟
وكل شيء بيه تعدل؟
من شفت خيالك بيه ترسم
كتابة من وحي الاصالة والقيم
نقش محتاره بيه اهل العلم
اثر عصري
مرض قهري
شلل نصفي
انجلط قلبي
من جبت طاريج

تعرفين الهمس عني منعوه الاطباه
تدرين قلبي اش صار ورداه
مربوطه تلابيبه بحبل جنب ومكيود بيج لساه
محزوزة تقاسيمه بالاشعه ...بيه واضحه الاه
حروفج مقسمة ...بيه معلمة والله
من اول لقاءنا انقش اسمج
انكتب حبج ...بحجر اجص من زمن ادم
اول عشق مفضوح نلقاه

بعد عمي ما يفيد المرسوم والمكتوب بحجينا
نفذت ...خلصت كل مشاعرنا الحزينة
ولبسنا ثياب الفرح ...ولو بأخر سنينه
بس يكفي نعينا الحزن...بيدينا
ورسمناه للناس كل الناس
بتقاسيمه ....ذيج علاماته زينه وشينه

تدرين؟ اخاف عليج من اسمي
واخاف عليج من رسمي
واخاف عليج يضيعج حلمي
واخاف اش لون من الكلمة توصفج يمي

ارجوج...خلصي كل كلامج بعيد عني
ومن تردين....من تحبين
تسمعين اي شيء عني
بس وصلي سلام ويه حمام الدوح
تراه ينوح من بعيد يمج ويمي
.............................
علاء السعدي
12/12/2007